Plan Proxecta DAFIS curso 2019/20
VIVE CON
LEDICIA / VIVE CON ALEGRÍA / LIVE JOYFULLY
Móvete facendo escola
Profesora: Gemma Rodríguez Fernández |
Introdución:
Dentro do programa DAFIS do colexio realízase esta actividade cos alumnos de 2º da ESO para incentivar activamente a práctica regular de exercicio físico á vez que se traballan, de maneira significativa, unha serie de estándares da materia de física e química.
Grao de consecución dos obxectivos:
· Obxectivos:
o Formular preguntas axeitadas para coñecer as características de interese (referentes á vida saudable) dunha poboación (a clase)
o Recoller, organizar e presentar datos relevantes para respondelas
o Utilizar os métodos estatísticos apropiados e as ferramentas axeitadas, organizando os datos en táboas e construíndo gráficas, para calcular parámetros relevantes
o Obter conclusións razoables a partir dos resultados obtidos.
o Finalmente, utilizar ferramentas tecnolóxicas para organizar datos, xerar gráficas estatísticas, calcular parámetros relevantes e comunicar os resultados obtidos que respondan ás preguntas formuladas previamente sobre a situación estudada.
· Grao de consecución dos obxectivos:
Considéranse acadados tódolos obxectivos de maneira satisfactoria.
Organización, desenvolvemento e metodoloxía:
Parte 1: Introdución:
- Abordar na aula unha serie de cuestións sobre os hábitos deportivos do alumnado de segundo da ESO para coñecer os seus hábitos, preferencias, coñecemento sobre a temática a abordar...
Parte 2: Na aula, introdución dos conceptos físicos e magnitudes a estudar:
- Sistema de referencia, posición, traxectoria, distancia recorrida, desprazamento.
- Intervalo de tempo, velocidade instantánea e velocidade media.
- Movemento rectilíneo uniforme e do movemento rectilíneo uniformemente acelerado.
- Velocidade instantánea e velocidade media.
Explicación do traballo de campo
Parte 3: Traballo de campo
– Realización da actividade deportiva.
– Toma de datos.
– Elaboración de gráficas de magnitudes.
– Cálculo das velocidades medias.
– Representación dos datos e dos cálculos obtidos.
– Toma de conclusións.
Parte 5: Posta en común, no grupo aula, do traballo realizado.
Parte 6: Difusión do proxecto a través da web do colexio e dos blogs.Avaliación:
· Nivel de presentación dos resultados obtidos a través de táboas e gráficas. Correcta interpretación dos mesmos.
· Avaliación personalizada do seguimento da actividade por parte do alumnado.
Resultados obtidos:
Os resultados da avaliación foron moi positivos, tanto no grao de implicación e traballo do alumnado coma na calidade da análise dos datos obtidos, a excepción de dous alumnos que non mostraron ningún interese por ningunha das partes da actividade.
Actividades realizadas:
O traballo consistía na realización dunha actividade física individual na que, partindo de varias carreiras e variando o tempo empregado e a distancia percorrida, analizouse a velocidade media individual dos alumnos de 2º da ESO. Partindo dos resultados obtidos, procurouse a mellora do rendemento persoal co deseño dun adestramento adaptado a cada alumno.
Con esta actividade pretendíase motivar ó alumnado cara á práctica deportiva habitual baseada nos desexos de mellora e autosatisfacción.
Para a realización deste traballo empréganse tanto ferramentas manuais coma tecnolóxicas, para a recollida de datos, a súa análise mediante gráficas, as conclusións, posta en común e posterior difusión, a través na páxina web e dos blogs do colexio.
Actividade programado na 3º avaliación, será por tanto unha proposta de mellora para levar a cabo dita actuación no vindeiro curso.
No hay comentarios:
Publicar un comentario